அரசு பாலிடெக்னிக்குகளில் இரண்டாமாண்டு சேர்க்கை: நாளை முதல் விண்ணப்பிக்கலாம்

அரசு பாலிடெக்னிக்குகளில் நேரடி இரண்டாமாண்டு சேர்க்கைக்கான விண்ணப்பப் படிவங்கள் புதன்கிழமை (மே 10) முதல் வழங்கப்படவுள்ளன.
தமிழகத்தில் 2017-2018-ஆம் கல்வியாண்டுக்கான பிளஸ் 2 தேர்ச்சி, 10-ஆம் வகுப்பு தேர்ச்சி மற்றும் 2 ஆண்டு ஐடிஐ தேர்ச்சி பெற்ற மாணவர்களுக்கு அரசு பாலிடெக்னிக் கல்லூரிகளில் நேரடி இரண்டாமாண்டு (‌la‌t‌e‌r​a‌l​ ‌e‌n‌t‌r‌y) சேர்க்கைக்கான விண்ணப்ப படிவங்கள் புதன்கிழமை (மே 10) முதல் மே 30-ஆம் தேதி வரை அரசு பாலிடெக்னிக் கல்லூரிகளில் வழங்கப்படவுள்ளன.
விண்ணப்பத்தின் விலை ரூ.150. தமிழகத்தைச் சேர்ந்த பட்டியல், பழங்குடி இனத்தவருக்கு விண்ணப்பக் கட்டணத்திலிருந்து விலக்களிக்கப்படுகிறது. அவர்கள் விண்ணப்பதைப் பெற ஜாதிச் சான்றிதழின் சான்றொப்பமிட்ட நகல் சமர்ப்பிக்க வேண்டும். விண்ணப்பத்தை w‌w‌w.‌t‌n‌d‌t‌e.‌g‌o‌v.‌i‌n என்ற இணையதளத்திலிருந்தும் பதிவிறக்கம் செய்துகொள்ளலாம். பூர்த்தி செய்யப்பட்ட விண்ணப்பப் படிவங்கள் அந்தந்த பாலிடெக்னிக் கல்லூரிகளுக்கு வந்து சேர வேண்டிய கடைசி நாள் மே 30.

-தினமணி