ஆதாருடன் பான்(PAN) எண்ணை இணைக்க புது வசதி

பான்(PAN)  எண்ணை ஆதாருடன் வருமான வரித்துறை இணையதளம் மூலம் இணைக்கலாம் என அறிவிக்கப்பட்டுள்ளது.
இது தொடர்பாக வருமான வரித்துறை வெளியிட்ட அறிக்கையில், https://incometaxindiaefiling.gov.in ,  https://incometaxindiaefiling.gov.in/e-Filing/Services/LinkAadhaarHome.html இணையதளத்தில் இதற்காக சிறப்பு வசதி செய்யப்பட்டுள்ளது. அதில், பான்(PAN) எண், ஆதார் எண், மற்றும் ஆதார் கார்டில் உள்ளது போன்றே பெயரை குறிப்பிட வேண்டும். UIDAIயிடம், விவரங்கள் சரிபார்த்த பின்னர், இணைப்பு உறுதி செய்யப்படும். பெயரில் ஏதேனும் பிரச்னை இருந்தால், ஒருமுறை கடவு சொல் அனுப்பப்படும். இந்த கடவு சொல், பதிவு செய்யப்பட்ட மொபைல் எண் மற்றும் இமெயிலுக்கு அனுப்பப்படும். ஆதார் எண் மற்றும் பான் எண்ணில் வழங்கப்பட்ட பிறந்த தேதி ஒன்றாக இருக்க வேண்டும். அப்போது தான் இணைப்பு சரியாக இருக்கும். இவ்வாறு அந்த அறிக்கையில் தெரிவிக்கப்பட்டுள்ளது.