கல்வித்துறை நிர்வாக அலுவலர்கள் போராட்டம்

தமிழ்நாடு கல்வித்துறை நிர்வாக அலுவலர்கள் சங்க, கரூர் மாவட்ட கிளை சார்பில், தலைவர் பாண்டிக்கண்ணன் தலைமையில் ஆர்ப்பாட்டம் நடந்தது. விதிகளுக்கு முரணாக பணிமாறுதல் வழங்க, மாவட்ட கல்வி அலுவலரை நிர்பந்தம் செய்வதை கண்டித்தும், பேச்சுவார்த்தைக்கு சென்ற சங்க நிர்வாகிகளை அவமரியாதையாக பேசிய சி.இ.ஓ., கணேசமூர்த்தியை கண்டித்தும் அதில் கோஷங்கள் எழுப்பப்பட்டன. மாநில பொதுச்செயலாளர் பொன் ஜெயராம், அரசு ஊழியர் சங்க மாநில துணைத்தலைவர் சுப்பிரமணியன், மாவட்ட செயலாளர் லட்சுமணன் உள்பட பலர் பங்கேற்றனர்.