ரத்தான ரயில்கள் மீண்டும் நாளை வழக்கம் போல் இயங்கும்: தெற்கு ரயில்வே

கஜா புயலால் ரத்து செய்யப்பட்டிருந்த ரயில்கள் நாளை காலை முதல் வழக்கம் போல் இயங்கும் என தெற்கு ரயில்வே பொது மேலாளர் குல் ஷேஸ்தா தெரிவித்துள்ளார். இது குறித்து அவர் கூறி யிருப்பதாவது: கஜா புயல் காரணமாக 9 விரைவு ரயில்கள் மற்றும் 14 பயணிகள் ரயில்கள் ரத்து செய்யப்பட்டிருந்தன. திருச்சி, மதுரை ரயில்வே கோட்டங்கள் கஜா புயலால் அதிகளவில் பாதிப்பை சந்தித்துள்ளன. புயல் காரணமாக தண்டவாளங்களில் விழுந்த மரங்கள் அகற்றப்பட்டு வருகின்றன. புயல் காரணமாக ரத்து செய்யப்பட்டிருந்த ரயில்கள் வழக்கம் போல் நாளை காலை முதல் இயங்கும் என கூறினார்.